İsrail, Qüds, 14 may / Trend , müxbir A.Qut/ İran öz nüvə proqramını yalnız sülh məqsədləri ilə və Atom Enerjisi üzrə Beynəlxalq Agentliyin qaydaları çərçivəsində inkişaf etdirə bilər. Bu barədə Rusiya Federal Məclisinin sədri Sergey Mironov deyib.
"İran sülh məqsədli atomu MAQATE çərçivəsində inkişaf etdirə bilər. Lakin İranın nüvə silahı yaratması yolverilməzdir və bütün bəşəriyyəti təhdid edir", - deyə çərşənbə günü Qüdsdə Trend a eksklüziv müsahibəsində RF Federal Məclisinin rəhbəri Mironov bildirib.
Mironovun sözlərinə görə, İran MAQATE-nin şərtlərini pozursa, o zaman bu, "olduqca həyəcan əlamətidir".
Sergey Mironov İsrail prezidentinin təşəbbüsü ilə Qüdsdə keçirilən "Sabaha müraciət edək" üçgünlük beynəlxalq konfransda iştirak edir.
BMT Təhlükəsizlik Şurası 2006-cı ilin dekabrından İslam Respublikasının ünvanına uranın zənginləşdirilməsi proqramının dondurulması tələbi ilə artıq üç Qətnamə qəbul edib.
Tehran nüvə proqramının sülh məramlı olduğunu iddia edərək, Təhlükəsizlik Şurasının sanksiyaları ilə razılaşmır.
