Azərbaycan,Bakı,26 may / Trend , müxbir K.Zərbalıyeva/ Penitensiar Xidmət əməkdaşları cəzaçəkmə müəssisələrinə narkotik maddə keçirmə cəhdlərinin qarşısını alıblar.
Penitensiar Xidmətin mətbuat xidmətindən bildirilib ki, 1 saylı ciddi rejimli cəzaçəkmə müəssisəsinin əməliyyat aparatı tərəfindən əldə olunmuş məlumatlar əsasında, müəssisəyə narkotik vasitələrin keçirilməsi cəhdlərinin qarşısı alınıb.
Həmin müəssisədə cəza Cinayət Məcəlləsinin qanunsuz olaraq narkotik vasitələr saxlama, gəzdirmə, istifadə etmə (234.1-ci) maddəsi ilə təqsirli bilinərək, 3 il müddətinə azadlıqdan məhrum edilmiş məhkum Əlibəy Məmmədovun yanına görüşə gəlmiş oğlu Murad Məmmədovun gətirdiyi sovqatın içərisində olan "Yava" markalı siqaret qutusundan narkotik vasitə olan 4,8 qram "heroin" aşkar edilərək götürülüb.
Həmin müəssisədə cəza çəkən və eyni maddəi ilə təqsirli bilinərək, 2 il müddətinə azadlıqdan məhrum edilmiş Mahmud Nuriyevlə görüşə gəlmiş bacısı oğlu Rifat Əhmədovun üzərindən 0,8 qram narkotik vasitə olan "heroin" götürülüb.Hər iki fakt üzrə aşkar olunmuş narkotik vasitələr və tutulmuş şəxslər istintaq aidiyyəti üzrə Nizami rayon Polis İdarəsinə təhvil verilib.
Müəlliflə əlaqə saxlamaq üçün elektron ünvan - [email protected]
