Azərbaycan, Bakı, 24 iyun / Trend , müxbir E.Tariverdiyeva/ Demokratlar Partiyasından ABŞ prezidentliyinə namizəd Barak Obamanın seçiciləri yarısı arasında hazırki uğuruna baxmayaraq, amerikalılar qəti qərara gəlməyiblər və düzgün strategiya qurduğu təqdirdə, Makkeynin prezidenliyə şansları o qədər də pis deyil.
"Prezident yarışının uğurla başa çatması şərtləri zaman keçdikcə yalnız sərtləşəcək", - seçkilər üzrə amerikalı ekspert Bert Rokman (Bert A.Rockman) hesab edir.
İllinoys ştatından olan 47 yaşlı gənc demokrat senatora amerikalıların 51 faizi, ABŞ Konqresi Senatında Arizona ştatını təmsil edən 71 yaşlı Makkeynə isə, 36 faizi səs verməyə hazırdır. Newsweek jurnalının apardığı ictimai rəy sorğusunun bu yaxınlarda nəşr olunan nəticələri buna dəlalət edir.
Rokmanın rəyinə görə, sorğuların hazırki nəticələri hələ heç bir şey demək deyil. Belə ki, liberal Dukaksis 1988-ci ildə seçkinin hazırki mərhələsində böyük Buşu qabaqlayırdı. "Bu yaxınlarda aparılan tədqiqatlar göstərir ki, müxtəlif məlumatlara əsasən, Obama rəqibini 6 -15 faiz qabaqlayır. Onun bu üstünlüyü qoruyub saxlaya biləcəyini hələ aydınlaşdırmaq lazımdır", - Padui Universitetinin (ABŞ) siyasi elmlər professoru Rokman elektron poçtla Trend -a bildirib.
Onun sözlərinə görə, Obamanın şansı az olsa da, respublikaçı namizəd qələbəsini təmin etmək üçün çox səy göstərməlidir. Ekspert hesab edir ki, hazırda Amerika ictimaiyyəti arasında respublikaçılar o qədər də müsbət qarşılanmır və insanlar, həqiqətən də, dəyişiklik istəyirlər. O, hazırda cəmiyyətdə Respublikaçılar partiyasına qarşı düşmən münasibətin çox olması və gələcəklə bağlı narahtlıq olduğundan, Obamanın üstünlüyü olduğunu söyləyib.
Seçkilər üzrə amerikalı ekspert Çarlz Henri (Charles Henry) hesab edir ki, növbəti dəfə sorğuların nə göstərəcəyini dəqiqliklə heç kim söyləyə bilməz.
"Çox şey ABŞ iqtisadiyyatının və İraqda müharibə ilə əlaqədar vəziyyətin necə inkişaf edəcəyindən asılıdır. Hər iki istiqamətdə yaxşılaşma müşahidə olunarsa, o zaman namizədlər arasında yarış daha sərt olacaq", - Berkli Universitetinin (ABŞ) professoru Henri elektron poçtla Trend -a bildirib.
Ekspert xatırladıb ki, Maykl Dukaskis də 1988-ci ildə Corc Buş üzərində üstünlüyə malik olub, lakin son nəticədə seçicilərin səsini itirib.
Seçkilər üzrə amerikalı ekspert Kennet Veynsteyn (Kenneth Weinstein) həmçinin hesab edir ki, Barak Obama bu seçkiləri uduzacaq.
"Onun sorğularda sıçrayışları qabaqcadan söylənilə bilər ; Obama 2008-ci ilin "yeni simasıdır", - Hudson İnstitutunun (ABŞ) seçkilər şöbəsinin icraçı direktoru Veynsteyn elektron poçtla Trend -a bildirib.
Onun sözlərinə görə, noyabra seçkiqabağı yarış daha gərgin xarakter alacaq. Ekspert bildirib ki, Obama vergilər, xarici və daxili siyasət üzrə liberal mövqeyinə sadiq qalarsa, gərginlik daha tez başlaya bilər. Veynsteynin sözlərinə görə, Obama seçiciləri inandırmalıdır ki, onun siyasəti Senatda səsləndiriləndən fərqli olacaq.
Makkeyn də qarşıdakı aylar ərzində seçiciləri ona səs verməyə inandırmalıdır.
Rokman hesab edir ki, Makkeynin respublikaçıların dəstəyinə ehtiyacı olması onun əsas problemidir. Lakin eyni zamanda, o özünün Buşdan və onun bu gün ölkədə o qədər də nüfuzlu olmayan partiyasından ayrı olduğunu göstərməlidir.
Ekspert güman edir ki, Makkeyn partiyasından yaxşı işləyir. "Bunun səbəbi az deyil və bura böyük əhəmiyyət kəsb edən irqi, mədəniyyət məsələləri daxildir və çox ehtimal ki, bu məsələlər noyabrda keçiriləcək seçkilərin nəticələrinə təsir edəcək", - Rokman bildirib.
Konqresə seçkilərdən fərqli olaraq, prezident seçkilərində şəxsi keyfiyyətlər böyük əhəmiyyət kəsb edir və ola bilsin ki, Makkeyn "Obamanı məhz bununla neytrallaşdıra bilər".
"Bu halda o, müstəqillik qazana bilər, lakin Makkeynə onsuz da şübhə ilə yanaşan respublikaçıların dəstəyini itirəcək", - ekspert bildirib.
Ekspertin rəyinə görə, onun ilkin vəzifəsi Obamanı elə indidən başlıca məsələlər üzrə mövqelərini səsləndirməyə məcbur etməkdir. Politoloq qeyd edib ki, Klinton əvvəllər bu yolla gedib, və o bunu bacarmayıb.
Rokmanın sözlərinə görə, İraqa münasibətdə sərt mövqeyin tərəfdarı, şübhəsiz, uduzur.
"Əlavə vergi güzəştləri də, çox güman ki, qələbəyə gətirəcək. Mən, sadəcə, Obamanın sadəlövh və təcrübəsiz, Makkeynin təcrübəli və məlumatlı olduğu hansısa bir bəndin olduğunu görmürəm", - o əlavə edib.
Politoloqun sözlərinə görə, Makkeyn kampaniya çərçivəsində özünün şəxsi keyfiyyətlərini və üstün keyfiyyətlərini vurğulamalı, Obamanı təcrübəsiz siyasətçi kimi tənqid etməli və Buş administrasiyası, hazırda o qədər də məşhur olmayan Respublikaçılar partiyası və onun siyasətindən uzaqlaşmalıdır.
Henrinin rəyinə görə, Makkeyn seçkiləri qazanmaq üçün seçicilərini islahatlar və dəyişikliklər müəcəssəməsi olduğuna və Corc Buşun üçüncü müddətini təmsil etmədiyinə inandırmalıdır. "O, Obamanın açıq çatışmazlıqlarını qeyd edərək, prezidentin təsirindən və onun iqtisadiyyat və xarici siyasətdə mövqelərindən ayrılmalıdır", - ekspert bildirib. Ekspertin sözlərinə görə, o bunu edərsə, Obamanın lehinə səslər azalacaq və Makkeyn noyabrda qələbə qazanacaq.
Nəşrlərin hesablamalarına görə, bu ilin mayında Obama və Makkeynin lehinə eyni sayda seçici səs verməyə hazır olub - hər birinə 46 faiz. Lakin sonrakı həftələr ərzində Obama seçkiqabağı yarışda senator Hillari Klintonu "sıxışdıraraq" və tərəfdarlarının bazasını nəzərəçarpacaq dərəcədə genişləndirərək, seçkilərdə Demokratlar partiyasından namizədliyinin irəli sürülməsinə zəmanət yarada bilib.
Lakin Makkeynin yaşı amerikalıları Obamanın irqi mənsubiyyətindən çox narahat edir və məhz bu məsələ seçkilərdə onlara təsir edə bilər, Rokman sonda əlavə edib.
Müəlliflə əlaqə saxlamaq üçün elektron ünvan: [email protected]
