Türkiyə, Ankara, 25 iyun / Trend , müxbir T.Əliyev/ Azərbaycanlı tələbə Teymur Sadıqov, Türkiyənin ən nüfuzlu təhsil ocaqlarından biri olan İstanbul Texniki Universitetinin ən çətin fakültələrindən hesab edilən Təyyarə Mühəndisliyi və Kosmik Tədqiqatlar bölümünü universitetin tarixində ilk dəfə maksimal (4.00) balla bitirən məzun oldu.
Türkiyənin 9-cu prezidenti Süleyman Dəmirəl də daxil olmaqla ölkənin bir sıra görkəmli şəxslərinin məzun olduğu İstanbul Texniki Universitetində təşkil edilən mərasimdə Teymur Sadıqova diplom təqdim edilib.
Mərasimdə 2200-dən artıq məzun adından yeganə çıxış etmək hüququ Teymur Sadıqova verilib. O, adıçəkilən fakültənin tədris proqramını 4 ildən az bir müddət ərzində mənimsəyə bilib, həmin müddət ərzində bütün fənnlərdən ən yüksək bal toplayıb. Təhsilini ABŞ-ın ən nüfuzlu universitetlərindən birində davam etdirməyə hazırlaşan Sadıqov, həmin mərhələdən sonra Azərbaycana dönəcəyini bildirib.
Məqalə müəllifi ilə əlaqə ünvanı: [email protected]
