Gürcüstan, Batumi, 30 iyun / Trend , müxbir N. Kirtsxaliya/ GUAM sammiti çərçivəsində, bu regional birliyə daxil olan ölkələrin sərhəd idarələri arasında əməkdaşlığa dair saziş imzalanacaq. Bu barədə bazar ertəsi Trend a Gürcüstan Sərhəd Polisinin rəhbəri Badri Bitsadze bildirib. "Biz bu gün GUAM-ın müvafiq komissiyası çərçivəsində əməkdaşlıq məsələlərini müzakirə edəcəyik, əvvəllər imzalanan əməkdaşlıq planının yerinə yetirilməsi üzrə protokol imzalayacağıq", - deyə o bildirib.
O qeyd edib ki, əməkdaşlıq təcrübə mübadiləsi, operativ informasiya mübadiləsi, ekoloji qəzalar zamanı yardım sahələrini əhatə edir.
Bitsadze bildirib ki, bütün GUAM ölkələri əvvəllər nəzərdə tutulan fəaliyyət koordinasiyası planını yerinə yetirib, indi isə bir illiyə nəzərdə tutulan yeni plan hazırlanacaq.
