|
Azərbaycan, Bakı, 28 iyul/ Trend , müxbir S.Ağayeva/Azərbaycanda dövlət parlamentdə təmsil olunan siyasi partiyaları maliyyələşdirə bilər. |
"Azərbaycan Türkiyənin parlamentdə təmsil olunan partiyaların dövlət tərəfindən maliyyələşdirilməsi təcrübəsindən gələcəkdə istifadə edə bilər", - Azərbaycan prezidenti İcra Aparatının siyasi analiz və informasiya təminatı şöbəsinin müdiri Elnur Aslanov hesab edir.
|
Bu çox mürəkkəb, lakin maraqlı məsələdir və partiyaların dövlət tərəfindən maliyyələşdirilməsinə aid bütün problemlərin spektrini təhlil etmək vacibdir, - bazar ertəsi Trend -a şöbə müdiri bildirib. "Qanunverici orqanda təmsil olunan partiyaların maliyyələşdirilməsi praktikası bəzi ölkələrdə mövcuddur, bəzilərində isə yox. Daha dəqiq desək, müxtəlif cür yanaşmalar mövcuddur və hər mövqeyin öz mənfi və müsbət xüsusiyyətləri var. Milli kontekstdə iqtisadi imkanlar və Azərbaycanda formalaşan siyasi mədəniyyət prinsipindən çıxış etmək lazımdır", - o deyib. Azərbaycanda 52 siyasi partiya qeydə alınıb. Onlardan 12-si parlamentdə təmsil olunub. "Bu gün Azərbaycan sürətlə ikişaf edir.Biz iqtisadi və siyasi cəhətdən güclü, iqtisadi inkişafla paralel olaraq demokratiya ideallarının möhkəmləndiyi məkana çevrilirik. Bütün bunlar cəmiyyətin həyatında partiya və ictimai təşkilatların oynadığı mühüm rolu şərtləndirən yeni siyasi mühitin yaradılmasını tələb edir", - Aslanov hesab edir. Vətəndaş dərk etməlidir ki, seçki günü onun səsini istəyən qüvvə, ona nə təklif edir. Beləliklə, inkişaf etmiş dövlətlərin ənənə və təcrübəsi nəzərə alınmaqla, 1992-ci ildə qəbul olunmuş "Siyasi partiyalar haqqında"Qanuna yenidən baxıla bilər, - o qeyd edib. Onun sözlərinə görə, Qanunda lazımi tamamlamalara və dəyişikliklərə ehtiyac var. Eyni zamanda, bu, siaysi partiyaların ictimai-siyasi inkişafın inteqratoru kimi çıxış etdiyi Azərbaycanda, yeni siyasi mədəniyyətin formalaşmasına kömək etməlidir, - şöbə müdiri bildirib. |
