...

Türkiyənin hakim partiyası öz siyasi kursunu dəyişə bilər

Siyasət Materials 31 İyul 2008 15:51 (UTC +04:00)

Azərbaycan, Bakı, 31 iyul / Trend , müxbir R.Hafizoğlu/ Türkiyənin Konstitusiya Məhkəməsinin hakim Ədalət və İnkişaf Partiyası ilə bağlı qəbul eltdiyi qərardan sonra partiyanın siyasi kursunda dəyişiklik edəcəyi istisna edilmir.

"AKP bundan sonrakı qəraralarında daha diqqətli olmalıdır" - deyə Türkyiəli araşdırmaçı Ahmet Taşgetirən Trend - a bildirib.

Türkiyidə hakim Ədalət və İnkişaf Partiyasının (AKP) gələcək siyasi fəaliyyətinin dayandırılması ilə bağlı qaldırılan iddia iyulun 30 - da Konstitusiya Məhkəməsi tərəfindən rədd edilib. Konstitusiya Məhkəməsinin qararına görə, hakim partiya dövlət xəzinəsindən yardım almayacaq.

"Konstitusiya Məhkəməsinin AKP-yə qarşı bu qərarı hakim partiyaya ciddi xəbərdarlıqdır " - deyə, Taşgetirən cümə axşamı İstanbuldan telefonla bildirirb.

Onun fikrincə, AKP bundan sonrakı siyasətində Türkiyə ictimaiyəətinin bütün təbəqələrinin maraqlarına uyğun siyasət yürüdəcək.

AKP- dən olan millət vəkili, partiyanın iqtisadi məsələlər üzrə sədr müavini Şaban Dişli isə, hesab edir ki, gələcək siyasi kursda hər hansı dəyişiklik barədə müzakirələr aparılmayıb.

"AKP yaxın zamanlarda öz siyasi kursunu dəyişmək niyyətində deyil" - deyə, Dişli cümə axşamı Ankaradan telefonla Trend -a bildirib.

Türkiyə parlamentinin keçmiş üzvü Mehmet Karabaşoğlu isə, hesab edir ki, AKP bundan sonrakı siyasi kursunda dəyişiklik etmək məcburiyyətindədir.

"AKP əvvəlki siyasi kursunu davam etdirə bilməyəcək" - deyə Karabaşoğlu cümə axşamı İstanbuldan telefonla Trend - a bildirirb.

Onun fikrincə, Türkiyədə dövlətin siyasi partiyaların fəaliyyəti üçün təyin etdiyi qaydalar var və heç bir partiya bu qaydaları poza bilməz.

"Məhkəmənin qərarından sonra AKP-nin qarşısında iki yol var; ya AKP siyasi kursunda dəyişiklik edərək, əsas hədəflərindən əl çəkməli ya da Konstitusiyada dəyişiklik etməlidir" - deyə o bildirib.

Ekspertlər partiyanın dövlət xəzinəsindən yardım almayacağı Konstitusiya Məhkəməsinin qərarında eyni fikirdədirlər.

"AKP-yə dövlət xəzinəsindən ayrılan yardımın azaldılması partiyanın gələcək fəaliyyətinə təsir etməyəcək" - deyə o bildirirb. Politoloq hesab edir ki, digər siyasi partiyalardan fərqli olaraq, AKP-nin güclü maddi bazası var.

Keçmiş millət vəkili Karabaşoğlu da hesab edir ki, dövlət xəzinəsindən maddi dəstəyin azaldılması AKN-nin gələcək siyasi karyerasına bir o qədər də təsir etməyəcək.

"Bu gün AKP Türkiyənin yeni siyasi elitası olmaqla yanaşı, ən güclü maddi dəstəyə malikdir. Dövlət xəzinəsindən yardımın azaldılması partiyanın siyasi nüfuzunu gücləndirəcək" - deyə o qeyd edib.

AKP- dən olan millət vəkili Dişli də hesab edir ki, dövlət xəzinəsindən maddi dəstəyin azaldılması partiyayanın gələcək fəaliyyətinə bir o qədər də təsir etməyəcək.

"AKP iki milyon yarım üzvü və güclü maddi dəstəyi olan bir partiyadır. Dövlət xəzinəsinin ayırdığı vəsaitin azaldılması partiyanın gələgək fəaliyyətinə əsla təsir edə bilməz"- deyə, o bildirib.

Türkiyədəki Cümhuriyyət Xalq Partiyasının lideri Dəniz Baykal Konstitusiya Məhkəməsinin qərarının ədalətli olduğunu bildirirb.

Prezident Gül və Baş nazir Ərdoğan məhkəmə qərarından sonra öz fikirlərini bildirməsələr də, partiya qərargahı qarşısındakı bayram əhval-ruhiyyəsi bu siyasi təşkilatın üzvlərinin KM -nin qərarından razılığını ifadə edib.

Türkiyənin Konstitusiya Məhkəməsi hakim AKP-nin fəaliyyətinin dayandırılması üçün məsələni martın 31- də icraata götürmüşdü. Məhkəmə Türkiyədəki Cümhuriyyət Xalq Partiyası (CHP) və Milliyyətçi Hərəkat Partiyası (MHP) AKP- ni islamyönlü siyasət yürütməkdə və Konstitusiyaya zidd fəaliyyətdə ittiham etməsindən sonra, məhkəmə işi açılmışdı.

"AKP - də siyasi kursu dəyişmək baradə müzakirələr aparılmasa da, Konstiusiyanın dəyişdirilməsi ilə bağlı bizim layihəmiz var " - deyə Dişli bildirib.

Məqalə müəllifi ilə əlaqə ünvanı : [email protected]

Xəbər lenti

Xəbər lenti