Azərbaycan, Bakı, 23 oktyabr/ Trend , müxbir A.Hüseynbala / Azərbaycanın müxalif Demokrat Partiyası bəzi müxalifət partiyalarını prezident seçkisinin nəticələrini tanımağa çağırıb.
"Bizim keçmiş təcrübəmizdən də göründüyü kimi, müxalifətin radikallığı Azərbaycanda demokratikləşməyə kömək etmir, əksinə ziyan vurur", - cümə axşamı ADP sədri Sərdar Cəlaloğlu Trend -a bildirib.
Trend -ın arayışı: Seçkini boykot edənMüxalifətin Əməkdaşlıq Mərkəzinə "Azadlıq" bloku (Azərbaycan Xalq Cəbhəsi, Liberal, Vətəndaş vç İnkişaf partiyaları), Müsavat Partiaysı və "Azərbaycan Naminə" İctimai Forum daxildir. Sentyabrın əvvəlində bu siyasi təşkilatlar oktyabrın 15 - də keçirilən prezident seçkisini qanunsuz tanımaq barədə birgə bəyanat imzalamışdılar. Bəyanatda prezident seçkisindən sonra formalaşacaq hakimiyyət qeyri-legitim elan edilib.
Sağ təmayüllü partiya olan ADP 1991-ci ildə Cəlaloğlu tərəfindən təsis edilib. Partiya 2007-ci ilin yanvarınadək iqtidara qarşı radikal müxalif mövqedə olub. Yanvarda ADP-nin hakimiyyətlə dialoq qurulması ilə bağlı yeni siyasi kursu qəbul edilib. Buna etiraz olaraq keçmiş sədr Rəsul Quliyev və tərəfdarları ADP-dən imtina edərək özlərinin Açıq Cəmiyyət Pariyasını yaradıblar.
Cəlaloğlunun sözlərinə görə, müxalifətin bu gün seçdiyi yol yanlışdır.
"Biz də seçkinin qüsurlu keçirildiyini qəbul edirik. Seçki azad və ədalətli olsaydı, biz də iştirak edərdik. Amma hakim partiyanın namizədi İlham Əliyevin digər altı namizəd üzərində qalib gəlməsi heç kəsdə şübhə doğurmur", - ADP sədri vurğulayıb.
Cəlaloğlu seçkinin nəticələrini tanımayan Müxalifətin Əməkdaşlıq Mərkəzinin (MƏM) həddən artıq radikallığı hesabına siyasi həyatının da məhv olduğunu qeyd edib.
"Müxalifətin Əməkdaşlıq Mərkəzinin seçkini 400 müşahidəçi ilə izlədiyi bildirilir. Amma məhkəməyə pozuntularla bağlı birgə müraciət etməyiblər, seçkinin nəticələri ilə bağlı hər hansı hüquqi addım atmayıblar. Əgər hüquqi nəticə yoxdursa, siyasi bəyanatlar nəyin üstündə qurulur?" - müxalif partiyanın sədri bildirib.
Onun sözlərinə görə, ADP İlham Əliyevin alternativlərinə qalib gəldiyini qəbul etdiyindən müxalifət də bu mövqeni tutmalıdır: "Biz artıq İlham Əliyevin növbəti beş ildə dövlətin rəhbəri olduğunu qəbul edib, 2010-cu il parlament və 2013-cü il prezident seçkiləri üçün yeni siyasi yol təklif etməliyik. Müxalifətdə və iqtidarda olan bir sıra adamların bir-birinin əleyhinə bəyanatlar verməsi siyasət deyil", - ADP sədri deyib.
Məqalə müəllifi ilə əlaqə ünvanı: [email protected]
