...

Azərbaycan müxalifətinin səmimi birliyinin yaranması imkanları hələ tükənməyib - partiya sədri

Siyasət Materials 24 Oktyabr 2008 17:02

Trend-i buradan izləyin

Azərbaycan, Bakı, 24 oktyabr / Trend , müxbir A.Hüseynbala/ Azərbaycanın müxalif Demokrat Partiyasının sədri bildirib ki, müxalifətin prezident seçkisindən əvvəl daha geniş tərkibdə birliyinin yaradılmasını təklif inə Müsavat Partiyasının başqanı İsa Qəmbər razılaşmayıb.

"Görüşdə Müsavat başqanına prezident seçkisindən sonra müxalifətin birliyin yaradılmasının çətin olacağını da bildirmişdim. Biz aptıq həmin mərhələyə qədəm qoymuşuq. Ambisiyalar, təşəbbüs xəstəliyi yenidən ortaya çıxıb", - cümə günü Trend -a müxalif Azərbaycan Demokrat Partiysının (ADP) sədri Sərdar Cəlaloğlu bildirib.

ADP sədri deyib ki, müzakirə zamanı müxalifətin aparıcı 7 - 8 partiyasının iştirakı ilə birlik yaradılması təklif edilib.

"Milli Birlik Hərəkatının lideri Lalə Şövkət Hacıyeva və Klassik Xalq Cəbhəsi Partiyasının sədri Mirmahmud Mirəlioğlu ilə danışıqlar zamanı birliyin yaradılmasına dair prinsipcə razılıq əldə olunmuşdu. Müsavat başqanı isə, Xalq Cəbhəsi Partiyasının sədri Əli Kərimli ilə görüşüb, məsələləri yekunlaşdırmağı təklif edib. Amma növbəti yığıncağı gözlədiyimiz vaxt fikirlərin dəyişməsi ortaya çıxıb", - ADP sədri əlavə edib.

Cəlaloğlunun fikrincə, indi birlik yaratmağın əsas istiqaməti gələcək hədəflər olmalıdır.

"Seçki başa çatıb, hər kəs öz münasibətini bildirib və yeni bir dönəmə qədəm qoyduğumuz zamanda müxtəlif iddialar irəli sürürlər", - Cəlaloğlu deyib.

Cəlaloğlu səmimi birliyin yaranması imkanlarının hələ də tükənmədiyini vurğulayıb.

ADP sədrinin fikrincə, birləşmək istəyən qüvvələr qarşılıqlı öhdəliklər götürüb, birliyin hədəflərini müəyyənləşdirməlidirlər.

Məqalə müəllifi ilə əlaqə ünvanı: [email protected]

Xəbər lenti

Xəbər lenti