Azərbaycan, Bakı, 27 noyabr/ Trend / Azərbaycan prezidenti İlham Əliyev cümə axşamı görkəmli rəsam Tahir Salahova "Heydər Əliyev" ordenini təqdim edib.
Dövlət başçısı Azərbaycan mədəniyyətinin inkişafında müstəsna xidmətlərinə görə Tahir Salahovun "Heydər Əliyev" ordeni ilə təltif edilməsi barədə sərəncam imzalayıb.
Xalq rəssamı Tahir Salahov onu Azərbaycanın ən ali mükafatına - "Heydər Əliyev" ordeninə layiq görməsi münasibətilə prezidentə dərin minnətdarlığını bildirib. O, dövlət başçısının sərəncami ilə 80 illik yubileyinin Azərbaycanda geniş qeyd olunmasına görə də təşəkkür edib.
Prezident İlham Əliyev yubilyarın Azərbaycan rəssamlıq məktəbinin görkəmli nümayəndəsi olduğunu vurğulayaraq qeyd edib ki, Tahir Salahov sənəti daim mövzu və janr zənginliyi, bədii formanın əlvanlığı və estetik kamilliyi ilə seçilib, onun əsərləri milli incəsənət xəzinəmizin qızıl fonduna daxil olub.