Azərbaycan, Bakı, 17 dekabr/ Trend , müxbir N.Abdullayeva/ Yaponiya və GUAM, GUAM -Yaponiya milli koordinaorlarının görüşü çərçivəsində əməkdaşlıq perspektivlərini müzakirə edəcək.
Milli koordinatorların görüşü 2009-cu il fevralında Tokioda keçiriləcək. Yaponiyanın Azərbaycandakı səfiri Masamitsu Oki çərşənbə günü Trend -a bildirib ki, dəqiq tarix və dettallar hələ razılaşdırılmayıb.
Milli koordinatorların konfransının keçirilməsi barədə qərar, GUAM - Yaponiya xarici işlər nazirləri Şurasının ATƏT-in Xarici İşlər Nazirləri Şurasının dekabrın 4 - də Helsinkidə keçirilən 16 - cı iclası çərçivəsində baş tutan üçüncü görüşündə qəbul olunub.
Yaponiya tərəfi Finlandiyada 2009-cu ilin fevralında Tokioda GUAM - a üzv dövlətlərin yüksək səviyyəli ekspertləri üçün ticarət və sərmayələrin təşviqi üzrə seminar təşkil etmək təklifini təsdiq edib.
GUAM təşkilatı 1997-ci ildə Strasburqda Avropa İttifaqının dövlət başçılarının Sammitində regional əməkdaşlıq məqsədilə yaradılıb, lakin qurum 2005-ci ilədək əməli fəaliyyət göstərməyib. Son üç ildə keçirilən sammitlərin əsas məsələləri regional münaqişələrin nizamlanması və enerji təhlükəsizliyinin təminatı üzrə səylərin əlaqələndirilməsi olub.
Məqalə müəllifi ilə əlaqə ünvanı - [email protected]
