Azərbaycan, Bakı 23 dekabr / Trend , müxbir K. Zərbalıyeva/ Avropa Məhkəməsinin Azərbaycana qarşı qərar qəbul etdiyi bir iş üzrə çərşənbə günü Bakı Apellyasiya Məhkəməsində proses keçiriləcək.
Trend -un məlumatına görə, Jurnalist Araşdırmaları Mərkəzinin təsisçilərindən biri Şeyda Nəsiblinin Ədliyyə Nazirliyinə qarşı iddiası üzrə Yasamal rayon məhkəməsinin 10 fevral 2003-cü il tarixli qətnaməsindən jurnalistin verdiyi şikayətə baxılacaq. Bu barədə jurnalistin həm Avropa Məhkəməsində, həm də ölkə daxilində hüquqlarının müdafiəsini həyata keçirən hüquqşünas İntiqam Əliyev məlumat verib.
Hüquqşünas bildirib ki, noyabrın 3 - də Ali Məhkəmənin Plenumunun qərarı əsasında, Şeyda Nəsiblinin Ədliyyə Nazirliyinə qarşı iddiası üzrə bütün məhkəmə qərarları ləğv edilib və iş yeni hal üzrə baxılması üçün Apellyasiya Məhkəməsinə göndərilib.
Azərbaycan Hökuməti 2004
- cü ilin iyununda mülki və cinayət prosessual və
digər qanunvericilik aktlarına müvafiq
dəyişikliklər edib. Belə ki, Mülki Prosessual
Məcəlləyə (431-1-ci maddə) və Cinayət
Prosessual Məcəlləsinə (455-ci maddəsi)
əsasən, qanuni qüvvəyə minmiş
məhkəmə aktlarına hüquq və azadlıqların
pozulması ilə bağlı yeni hallar üzrə yenidən
baxıla bilər. Bu əsaslardan biri də Avropa İnsan
Hüquqları Məhkəməsinin, ölkə məhkəmələri
tərəfindən işlərə baxılarkən, Avropa
Konvensiyasının müddəalarını pozduğunu
müəyyən etməsi halıdır.
Avropa Məhkəməsi Şeyda Nəsibovanın
ərizəsi üzrə 18 oktyabr 2007-ci ildə qərar
qəbul edib. Məhkəmə ərizəçinin
Konvensiyanın 11-ci maddəsi ilə təminat verilən
birləşmək hüququnun pozuntusunu tanıyıb və
mənəvi ziyanın əvəzi kimi ona 1000 avro,
məhkəmə xərclərinin əvəzi kimi 2000 avro
məbləğində kompensasiya müəyyən edib.
Məqalə müəllifi ilə əlaqə ünvanı:[email protected]