...

İranın ABŞ - a qarşı siyasəti tənqididir - İran rəsmisi

Siyasət Materials 24 Dekabr 2008 18:38 (UTC +04:00)

İran, Tehran, 24 dekabr / Trend , müxbir A.Namdari/   İranın Prezident Aparatı Strateji Araşdırmalar Mərkəzinin rəhbəri İranın ABŞ - a qarşı siyasətinin tənqidi olduğunu bildirib.

"Əhmədinejad hökumətinin xarici siyasətinin əsasını "ədalət üzərində qurulmuş mühafizəkarlıq" təşkil edir. Hazırkı hökumətin xarici siyasəti həm əməldə, həm də sözdə bu siyasət üzərində qurulub",- deyə İranın Prezident Aparatı Strateji Araşdırmalar Mərkəzinin rəhbəri Əlirza Zakir İsfəhani çərşənbə günü "Əhmədinejad hökumətində İranın xarici siyasəti" adlı kitabın təqdimat mərasimində çıxışında bildirib.  

Zakir  əlavə edib ki, Ikinci dünya  müharibəsindən sonra dünyada fövqəldövlətlər  kiçik ölkələrə ağalıq məqsədilə müxtəlif sistemlər yaratmağa başladılar. Sonacan həyata keçrilməsə də, "Böyük Yaxın Şərq" layihəsi buna nümunə ola bilər. 

Zakir bildirib ki, Əhmədinejad hökuməti xarici siyasətində qütblərə qarşı mübarizə aparır.  "ABŞ inanırdı ki, yeganə fövqəldövlət olaraq, hamını öz istəklərinə tabe edə bilər, lakin Əhmədinejad hökuməti belə ədalətsiz sistemə qarşı çıxdı",- deyə Zakir  bildirib.

Onun sözlərinə görə, hökumətlər öz siyasətlərində ya daxili,ya da xarici siyasətə üstünlük verir, lakin Əhmədinejad hökuməti daxili və xarici siyasəti birgə həyata keçirib.

Zakirin fikrincə, daxili və xarici siyasəti birgə apara bilən dövlətlər güclü dövlətlərdir.

Müəlliflə əlaqə saxlamaq üçün elektron ünvan [email protected] 

Xəbər lenti

Xəbər lenti