Azərbaycan, Bakı, 24 dekabr/ Trend /Belarus Respublikasının prezidenti Aleksandr Lukaşenko çərşənbə günü Azərbaycan prezidenti İlham Əliyevi doğum günü münasibətilə təbrik edib, - AzərTAc Dövlət İnformasiya Agentliyi xəbər verib.
Dekabrın 24-də Azərbaycan prezidenti İlham Əliyevin 47 yaşı tamam olub.
"Azərbaycanın dinamik inkişafı, sosial-iqtisadi və siyasi xəttin həyata keçirilməsində görülən ardıcıl tədbirlər Azərbaycan Respublikasının beynəlxalq nüfuzunun yüksəlməsinə və regionda onun rolunun güclənməsinə kömək edir", - təbrik məktubunda deyilir.
Belarus həmişə Azərbaycanın etibarlı dostu olub və olaraq qalır, xalqlarımızın mənafeyi naminə qarşılıqlı surətdə faydalı əməkdaşlığı bundan sonra da genişləndirməyə hazırdır,- Belarus prezidentinin məktubunda vurğulanır.