Azərbaycan, Bakı, 28 dekabr / Trend , müxbir R.Hafizoglu/ Fələstindəki "İslami Cihad" təşkilatı İsrailin Qəzzada keçirdiyi hərbi əməliyyatlar zamanı dinc əhalinin qətlinə görə Israildən qisas alacaq.
"Qəzzada dinc əhalinin qətlinə görə Israildən qisas alınacaq", - deyə, Fələstindəki İslami Cihad təşkilatınının liderlərindən biri olan Xalıd Batş bazar günü Qəzzadan telefonla Trend -a bildirib.
Batşın fikrincə, İsrail müqavimət təşkilatalarına qarşı mübarizə apara bilmədiyi üçün, dinc əhaliyə qarşı hərbi əməliyyatlara başlayıb.
Batşın sözlərinə görə, İsrail dinc əhalini qətlə yetirməklə fələstinlilərin müqavimət əzmini qırmaq istəyir.
"İsrail Həmas və "Islami Cihad" bazalarını deyil, Qəzza ərazisindəki inzibati binaları atəşə tutub", - deyə, Batş əlavə edib. Onun fikrincə, Qəzzada baş verənlərə görə İsrail məsuliyyət daşıyır.
"İslami Cihad" İsrailin Qəzzada törətdiyi soyqırıma görə qisas alacaq", - deyə, o əlavə edib.
Dünən günorta saatlarından İsrailin hərbi hava qüvvələri Qəzza zolağını raket atəşinə tututblar. 19 dekarbrda Həmas təşkilatı və Israil arasında müvəqqəti atəşkəsin başa çatmasından sonra Həmas 4 fələstinlililin qətlinə cavab olaraq Israilin Sederot va Aşkelon yaşayış məntəqələrini raket atəşinə tutub.
Israilin dekabrın 27-də keçirdiyi hərbi əmaliyyatlar zamanı 271 nəfər həlak olub, 700 nəfər isə yaralanıb.
Həmas təşkilatının Qəzzadakı mətbuat xidmətindən Trend -a verilən məlumata görə, ölən və yaralananların əksəriyyəti qadın və uşaqlardır.