İsrail, bu ölkənin Baş naziri Ehud Olmertin keçən həftə Ankaraya səfərində Türkiyə prezidenti Abdullah Gülə və Baş nazir Rəcəb Tayyib Ərdoğana Qəzzədə humanutar faciə olmayacağı ilə bağlı verdiyi sözə əməl edəcək. Bu sözləri İsrailin Türkiyə səfiri Qabi Levi (Gabby Levy), Türkiyənin "Axşam" qəzetinə verdiyi açıqlamada bildirib. Səfir verdikləri sözə əməl etmək üçün Qəzzəni bombaladıqdan sonra bura humanitar yardımın gəlməsinə icazə verdiklərini bildirib. Qəzzəni bombalayarkən əsas hədəflərinin Həmas olduğunu bildirən səfir dinc əhalinin həlak olmasından təəssüfləndiklərini deyib. Levi, heç bir müharibə cinayəti törətmədiklərini və Ehud Olmertin Türkiyəyə verdiyi sözə əməl edəcəklərini bildirib. Ərdoğanın İsrail rəsmiləri ilə telefon danışıqlarını rədd etməsinə də toxunan Levi Türkiyənin İsraili başa düşəcəyinə və qısa müddətdə iki ölkə rəsmiləri arasında telefon danışıqlarının bərpa olunacağına ümid etdiyini bildirib.
Dekabrın 27-də günorta satlarından başlayaraq, İsrailin Hərbi Hava Qüvvələri Qəzzə zolağını raket atəşinə tutub. Dekarbın 19 - da Həmas təşkilatı və Israil arasında müvəqqəti atəşkəsin başa çatdiqdan sonra, Həmas dörd fələstinlililin qətlinə cavab olaraq, Israilin Sederot va Aşkelon yaşayış məntəqələrini raket atəşinə tutub.
Israilin dekabrın27 - də keçirdiyi hərbi əmaliyyatlarda 310 nəfər həlak olub, 700 nəfər yaralanıb.
Həmas təşkilatının Qəzzədəki matbuat xidmətindən Trend -a verilən məlumata görə, ölən və yaralananların əksəriyyəti qadın və uşaqlardır. Həmas və Islami Cihad ldierləri İsrail rəsmilərindən Qəzzədə törədilən cinayətlərə görə qisas alacaqlarını bildirblər.
Həmas, İsrailin Qəzzə zolağını bombalamasına cavab olaraq, Sederot və Aşkelon yəhudi məntəqələrinə 60 - a yaxın raket zərnbəsi endirib. İsrail hökuməti Aşkelon və Sederotda fövqəladə vəziyyət elan edib.