...

Azərbaycanın müxalif partiyası beynəlxalq təşkilatları referendumu müşahidə etməyə çağırır

Siyasət Materials 26 Yanvar 2009 16:09 (UTC +04:00)

Azərbaycan, Bakı, 26 yanvar / Trend , müxbir A.Hüseynbala/ Azərbaycanın müxalif partiyası beynəlxalq təşkilatları referendumu geniş müşahidə etməyə çağırıb.

"Qarabağ və Respublika Uğrunda Hərakat" təşviqat qrupunun qeydiyyatdan keçməsi üçün imza toplama kampaniyasına rəsmi hakimiyyət nümayəndələri və qeyri-rəsmi şəxslər aşkar şəkildə qanunsuz müdaxilə edirlər", - bazar ertəsi Trend -a hərəkatda təmsil olunan müxalif Azərbaycan Demokrat Partiyasının (ADP) mətbuat xidmətindən bildirilib.

Trend -un arayışı: "İmzatoplama kampaniyası zamanı qeydə alınan hər bir qanun pozuntusu barədə Mərkəzi Seçki Komissiyasına rəsmi müraciət olunarsa, bu faktlar araşdırılıb müzakirə olunacaq, - bazar ertəsi Trend -a MSK-nın mətbuat xidmətinin rəhbəri Azər Sarıyev bildirib.

Martın 18 - də Konstitusiyanın 29-cu maddəsinə əlavə və dəyişikliklərin edilməsi məsələsi üzrə referendum keçiriləcək.

Referendum üzrə hələ 14 təşəbbüs qrupu yaradılıb. Bunlardan dördü imza vərəqələrini MSK-ya təhvil verib. Hakim Yeni Azərbaycan Partiyasının (YAP) referendum üzrə "Yeni Azərbaycan" təşəbbüs qrupu yanvarın 22-də Mərkəzi Seçki Komissiyasında təşviqat qrupu kimi qeydə alınıb.

Dairə seçki komissiyalarında 45 təşəbbüs qrupu qeydiyyata alınıb.

Azərbaycanın Konstitusiyası 1995 - ci ildə qəbul edilib, 2002 - ci ildə Əsas Qanuna əlavə və dəyişikliklər edilib.

Azərbaycanın hakim Yeni Azərbaycan Partiyasının (YAP) referendum üzrə "Yeni Azərbaycan" təşəbbüs qrupu yanvarın 22-də Mərkəzi Seçki Komissiyasında təşviqat qrupu kimi qeydə alınıb.

Məlumatda vurğulanır ki, imza toplayanlara, imza verənlərə təzyiqlər göstərilir, onlardan könüllü olaraq verdikləri imzalardan məcburi qaydada imtinası tələb olunur. "Bu hallar təşviqat qrupuna daxil olan digər partiyalarla yanaşı ADP-nin yerli strukturlarının, konkret olaraq Salyan, Masallı və digər rayonların nümayəndələrinə təzyiqlər göstərilməsi zamanı müşahidə edilib", - partiyadan bildirilir. 

ADP belə hesab edir ki, imza toplama kampaniyasında müşahidə edilən qanunsuz hərəkət və siyasi təzyiqlər indidən referdumun nəticələrini şübhə altına ala bilər. "ADP rəsmi hakimiyyət orqanlarının, o cümlədən Mərkəzi Seçki Komissiyasının ölkə qanunlarına və Konstitusiyasına hörmət etməyə, ölkədə münbit siyasi rəqabət şəraiti yaratmağa, qanunu pozan dövlət məmurlarına qarşı sərt tədbirlər görməyə çağırır", - müxalif partiyanın bəyanatında vurğulanır.

Məqalə müəllifi ilə əlaqə ünvanı: [email protected]



Xəbər lenti

Xəbər lenti