Azərbaycan, Bakı, 29 yanvar / Trend , müxbir A.Hüseynbala/ Hakim Yeni Azərbaycan Partiyası (YAP) ilə ABŞ-ın Milli Demokratiya İnstitutu arasında əməkdaşlıq daha da gücləndiriləcək, cümə axşamı bu məsələ cümə axşamı YAP-ın sədrinin müavini, icra katibi Əli Əhmədov ABŞ-ın beynəlxalq əlaqələr üzrə Milli Demokratiya İnstitutunun ölkə üzrə direktoru Ariyen de Volff ilə partiyanın mənzil qərargahında görüşündə müzakirə edilib.
Görüşdə Milli Demokratiya İnstitutu ilə YAP
arasında əlaqələrin daha da dərinləşdirilməsi
və həyata keçirilən layihələrin əhatə
dairəsinin genişləndirilməsinin vacibliyi
vurğulanıb, birgə treninqlərin davam etdirilməsi
qərara alınıb.
Azərbaycan Respublikasının demokratik dünya birliyinə
tam inteqrasiyası üçün göstərdiyi ciddi
səylərin çox yüksək
dəyərləndirildiyini qeyd edən Ariyen de Volff bu
istiqamətdə YAP-ın böyük və
şərəfli missiya daşıdığını
nəzərə çatdırıb.
Əhmədov ABŞ-ın Milli Demokratiya İnstitutu ilə
əməkdaşlığın partiya üçün
böyük səmərə verdiyini vurğulayaraq,
əlaqələrin gələcəkdə daha şaxəli
və hərtərəfli olacağına əminliyini
ifadə edib.
Trend -un arayışı: YAP 1992-ci ildə o vaxt Naxçıvan Ali Məclisinin sədri olan Heydər Əliyev tət-rəfindən yaradılıb. Azərbaycanda 16 ildir hakim partiya olan YAP-ın indiki sədri prezident İlham Əliyevdir.
Məqalə müəllifi ilə əlaqə ünvanı: [email protected]