"İranın İxracın İnkişafı Bankı Azərbaycanda metanol istehsalına 21 milyon avro ayırıb", - Mehr xəbər agentliyi yazır. Kredit özəl Azərbaycan şirkəti Metanol-a verilib. Azərbaycanda metanol istehsalı üzrə zavodun tikintisi iki ildən sonra başa çatacaq.
Azərbaycanda metanol istehsalı üzrə daha bir zavod - Qaradağ rayonunda tikilir. Layihənin operatoru Azmeco şirkətidir. Zavodun tikintisini 2010-cu ilin birinci yarısında bitirmək planlaşdırılır. Zavodda istehsal olunacaq metanolun böyük hissəsi ixraca yönəldiləcək.
Yeni zavodun illik istehsal gücü 500 min ton metanol təşkil edəcək. Zavodun tikintisində ABŞ, Avropa və Rusiyanın texnologiyalarından istifadə olunacaq.
Hazır məhsul Qara dəniz limanlarına ixrac ediləcək və oradan dünya bazarlarında satışa çıxarılacaq
Layihə Avropa Yenidənqurma və İnkişaf Bankı və "Nord Bank"ın iştirakı ilə həyata keçirilir. Zavodun tikintisinin dünya ekoloji standartlarına uyğunluğuna nəzarəti "Dappolonia" (İtaliya) və "Jacobs" (İngiltərə) aparır.
