Azərbaycan, Bаkı, 15 aprel / Trend , müxbir A.Hüseynbala /
Azərbaycanda yeni yaranan müxaliyönlü partiya bələdiyyə seçkilərində iştirak etmək niyyətindədir.
"Seçkilərdə hansı formada iştirakımız partiyanın Ədliyyə Nazirliyində qeydiyyata alınıb-alınmamasından asılı olacaq", - çərşənbə günü Trend -a Aydınlar Partiyasının sədri Qulamhüseyn Əlibəyli bildirib.
Trend -un arayışı: Azərbaycanda bələdiyyə seçkisi 2009-cu ilin payızında, parlament seçkisi isə 2010-cu ilin payızında keçirilməlidir. Bundan əvvəl iki dəfə - 1999 və 2004-cü illərdə yerli özünüidarəetmə orqanlarına seçkilər keçirilib.
Əlibəylinin sözlərinə görə, partiya qeydiyyata alınmasa, hər kəs müstəqil şəkildə bələdiyyə üzvlüyünə namizədliyini irəli sürə biləcək. "Biz hətta digər müxalif partiyalarla bir blokda da seçkilərdə iştirak edə bilərik", - partiya sədri əlavə edib.
Onun fikrincə, birgə iştirak məsələsi seçki kampaniyasına rəsmi start veriləndən sonra müzakirə olunacaq. "Biz bu seçkidə yalnız sağ-mərkəzçı partiyalarla əməkdaşlıq edə, yaxud blok yarada bilərik", - Əlibəyli deyib.
Aydınlar Partiyasının təsis qurultayı 2008-ci il dekabrın 14-də keçirilib. Əlibəyli partiyanın sədri seçilib.
Qulamhüseyn Əlibəyli 1992-1993-cü ildə prezident Əbülfəz Elçibəyin müşaviri və parlamentdə rəsmi nümayəndəsi olub. 1995-ci ildən 2005-ci ilədək iki dəfə ardıcıl olaraq Milli Məclisin deputatı olub. Avropa Şurası Parlament Assambleyasında Azərbaycan nümayəndə heyətinin üzvü olub. O, 1989-cu ildən AXC-nin üzvü, 1993-cü ildən isə АХCP-nin Ali Məclisinin sədri idi. Аvqustun əvvəllərində АХCP Аli Məclisinin sədri vəzifəsindən istеfа vеrib, sеntyаbrın ахırındа yеni Аydınlаr Pаrtiyаsı yаrаdаcаğı məlum оlub. АХCP üzvü Nizаmi Quliyеv pаrtiyаdаn istеfа vеrərəк Аydınlаr Pаrtiyаsının sırаlаrınа qоşulub.
Məqalə müəllifi ilə əlaqə ünvanı: [email protected]
