Gürcüstan, Tbilisi, 15 aprel / Trend , müxbir N.Kirtsxaliya /
"ABŞ Gürcüstanın strateji tərəfdaşı olaraq qalır", - bu qənaətə Gürcüstan parlamentinin spikeri David Bakradze Gürcüstan xarici işlər nazirinin ABŞ dövlət departamentinin rəhbəri ilə görüşdən sonar gəlib.
Onun sözlərinə əsasən, dünənki Vaşadze-Klinton görüşü skeptiklərə aşkar xəbərdarlıq idi.
"Düşünürəm ki, son zamanlar fəal şəkildə ABŞ-Gürcüstan münasibətlərinin zəiflədiyini yayan skeptik və bədxahlara aşkar xəbərdarlıq ünvanlandı. Əminəm ki, ABŞ Gürcüstanın əsas strateji tərəfdaşı olaraq qalacaq", - Bakradze vurğulayıb.
Spikerin sözlərinə əsasən, Gürcüstan siyasi dəstəkdən əlavə ABŞ-dan maliyyə yardımı da alıb.
Məqalə müəllifi ilə əlaqə ünvanı: [email protected]