Azərbaycan, Bakı, 17 iyun / Trend , müxbir A.Hüseynbala /
Azərbaycanın müxalif partiyalarının təmsil olunduğu hərəkat fəaliyyətini gücləndirmək üçün strateji proqram hazırlayıb.
"Yaxın müddətdə Azərbaycan cəmiyyəti müxalifətin gələcək birgə fəaliyyəti ilə bağlı fərqli taktikaların şahidi ola biləcək", - çərşənbə günü Trend -a "Qarabağ və Respublika Uğrunda Hərəkat"da təmsil olunan Ümid Partiyasının sədri, millət vəkili İqbal Ağazadə bildirib.
Trend -un arayışı: "Qarabağ və Respublika Uğrunda Hərəkat"ı bu il martın 18-də keçirilən referendum ərəfəsi Azərbaycan Xalq Cəbhəsi, Vətəndaş və İnkişaf, Liberal, Demokrat, Müsavat və Ümid partiyaları, eləcə də bir neçə ictimai təşkilat təsis edib.
Ağazadənin sözlərinə görə, bunun ən real nümunəsi bələdiyyə seçkilərində hərəkatı təsis edən partiyaların blok şəklində iştirakı olacaq. "Bizim bu barədə konkret qərarımız var. Düşünürəm ki, cəmiyyətin fəallığına nail olandan sonra biz parlament seçkilərində də vahid siyahı müəyyənləşdirməklə iştirak edə biləcəyik", - müxalif partiya sədri əlavə edib.
Onun fikrincə, Azərbaycan müxalifətinin zəif olmasının əsas səbəbi cəmiyyətdəki məyusluqla bağlıdır. "Ölkənin aparıcı partiyalarının hamısının bir hərəkatda təmsil olunması son illərin ən böyük uğurudur. Onu da qeyd edim ki, gələcək fəaliyyətimizlə bağlı qarşımıza qoyduğumuz bir çox vacib məsələləri açıqlamadan konkret işlər görəcəyik", - Ağazadə vurğulayıb.
Müхаlifəti təmsil еdən Ümid Pаriyаsı 1993-cü ildə yаrаdılıb. 2002-ci ildə Vətəndаş Birliyi Pаrtiyаsı (VBP) Ümid Pаriyаsınа birləşib. VBP-nin sədri оlmuş İqbаl Аğаzаdə Ümid Pаrtiyаsınа sədr sеçilib. Аğаzаdə Milli Məclisin dеputаtıdır.
Məqalə müəllifi ilə əlaqə ünvanı:[email protected]