Azərbaycan, Bakı, 19 iyun / Trend , müxbir C.Babayeva /
Azərbaycan Milli İstiqlal Partiyası (AMİP) Bakı şəhər bələdiyyəsinin yaradılması təklifi ilə çıxış edəcək.
"Bələdiyyə seçkisi öncəsi Bakı şəhər bələdiyyəsinin yaradılması məsələsi aktuallaşır. Paytaxt şəhərlərdə bələdiyyələrin yaradılması dövrün tələblərinə cavab verir və qonşu ölkələrdə də bu təcrübə var. Bakının bütövlükdə idarəolunması Bakı Şəhər İcra Hakimiyyətinə tapşırılıb və bu qurumun da fəaliyyəti göz qabağındadır", - cümə günü Trend -a AMİP-in mətbuat və təbliğat katibi Əli Orucov bildirib.
Trend -un arayışı: Azərbaycan Avropa Surası Yerli Özünüidarə Xartiyasına qoşulub. Xartiyaya əsasən, paytaxt şəhərin idərəçiliyi seçkili orqanlara verilir. Azərbaycanın sənədə qoşulmasına baxmayaraq, paytaxt Bakı və digər iri şəhərlərdə idarəetməni təyinatı yolla icra hakimiyyətləri həyata keçirir. Xartiyaya qoşulmuş Gürcüstan və Ermənistanın paytaxt şəhərlərində mer seçkilərinin keçirilməsinə başlanılıb. Azərbaycanın millət vəkilləri Aydın Mirzəzadə və Zahid Oruc öncə Trend -a Bakı şəhərində mer statusunun yaradılmasını mütləq vacib hesab etmədiklərini bildiriblər.
Orucovun sözlərinə görə, partiya dəfələrlə Bakı şəhər bələdiyyəsinin yaradılması təklifi ilə çıxış edib və Milli Məclisə, Prezident Adminstrasiyasına təqdim edib.
"Təəssüf ki, təklifimiz nəzərə alınmayıb. Yaxın günlərdə partiyanın Siyasi Şurasının iclası keçiriləcək. İclasda bələdiyyə seçkisi, İrandakı son vəziyyətin müzakirəsi nəzərdə tutulub. Bakı şəhər bələdiyyəsinin yaradılması və onun formalaşdırılmasının seçki yolu ilə həyata keçirilməsi təklifi ilə bağlı müraciət yenidən qəbul oluna bilər", - AMİP rəsmisi bildirib.
Trend -un arayışı: АMİP 1992-ci ildə yаrаdılаn və Аzərbаycаndа ilk dövlət qеydiyyаtınа аlınаn pаrtiyаdır. Etibar Məmmədov 2004-cü ilin sonunda partiyanın sədrliyindən istefa verdikdən sonra partiya daxilində parçalanma baş verib. Ondan sonra AMİP-in sədri olan Əli Əliyevə qarşı partiya daxilində narazılıq yarandığı zaman partiya üzvlərinin bir qismi AMİP-dən gediblər. Məmmədоv hаzırdа Bеynəlxаlq Dеmоkrаt İttifаqının (BDİ) sədr müаvinidir.
Məqalə müəllifi ilə əlaqə ünvanı: [email protected]
