Azərbaycan, Bakı, 28 avqust / Trend , müxbir A.Hüseynbala /
Azərbaycan hakimiyyətinə loyal müxalifətdə olan partiyaya bir neçə partiyanın birləşəcəyi nəzərdə tutulur.
""Azərbaycan Tərəqqi Alyansı" blokuna üzv olan 3-4 partiya bizə birləşməklə bağlı müraciət edib və hazırda məsləhətləşmələr aparılır", - cümə günü Trend -a blokda təmsil olunan Tərəqqi Partiyasının sədri Çingiz Dəmiroğlu bildirib.
Trend -un arayışı: Tərəqqi Pаrtiyаsı rаdikаl müxаlifət pаrtiyаsı kimi 10 ildən аrtıq fəаliyyət göstərib. 2008-ci ilin yаyındа partiya lоyаl müxаlifətçiliyə kеçmək və prеzidеntliyə nаmizəd İlhаm Əliyеvi dəstəkləmək bаrədə qərаr qəbul еdib.
Dəmiroğlunun sözlərinə görə, həmin partiyalar indiyədək Ədliyyə Nazirliyində dövlət qeydiyyatına alınmayıblar. "Bu partiyaların üzvlərinin sayı həm də kifayət qədər deyil. Ona görə bir neçə partiya rəhbəri bizimlə birləşmək niyyətində olduğunu açıqlayıb", - partiya sədri əlavə edib.
Dəmiroğlu müzakirələr başa çatmadığından həmin partiyaların adlarını hələ ki, açıqlamaq istəmədiyini deyib. "Məsləhətləşmələr oktyabr ayına qədər başa çatmalıdır. Güman edirəm ki, oktyabrın əvvəllərində 3-4 partiyanın bizimlə birləşməsi haqda konkret qərar qəbul olunacaq", - Dəmiroğlu vurğulayıb.
Partiya sədri deyib ki, həmçinin ilin sonunda bələdiyyə seçkiləri keçirələcəyindən partiyaların bir neçəsinin birləşməsi olduqca əhəmiyyətlidir.
Məqalə müəllifi ilə əlaqə ünvanı: [email protected]
