Azərbaycan, Bakı, 18 noyabr / Trend , müxbir E.Tariverdiyeva/
Rusiya Prezident Administrasiyasının rəhbəri Sergey Narışkin noyabrın 23-də Bakıya səfər edəcək. Bu barədə yüksək vəzifəli diplomat Trend -a deyib.
"Sergey Narışkin Bakıya Rusiya Prezidenti Dmitri Medvedevin 60 illik yubileyi ilə əlaqədar Şeyxülislam Hacı Allahşükür Paşazadənin ordenlə təltif edilməsi fərmanına müvafiq olaraq, mükafatın təqdim edilməsi üçün gəlir", - diplomatik mənbə deyib.
Onun sözlərinə görə, Narışkin həmçinin Bakıda "Rus kitabı" mağazasının və Rusiya XTB-nin Bakı filialının açılışında iştirak edəcək.