...

Qazaxıstanın Əfqanıstan problemini həll etmək üçün ATƏT-ə sədrlik edən ölkələrdən daha çox şansı var – ekspertlər

Siyasət Materials 9 Fevral 2010 17:45 (UTC +04:00)
Qazaxıstan Əfqanıstan probleminin həllinə Avropa Təhlükəsizlik və Əməkdaşlıq Təşkilatına sədrlik edən ölkələrin hamısından çox yaxınlaşa bilər. Mərkəzi Asiya üzrə amerikalı ekspert Brüs Panyer belə hesab edir.

Azərbaycan, Bakı, 09 fevral / Trend , müxbir V.Javoronkova/

Qazaxıstan Əfqanıstan probleminin həllinə Avropa Təhlükəsizlik və Əməkdaşlıq Təşkilatına sədrlik edən ölkələrin hamısından çox yaxınlaşa bilər. Mərkəzi Asiya üzrə amerikalı ekspert Brüs Panyer belə hesab edir.

"Mən əmin deyiləm ki, Qazaxıstan ATƏT-in sədri kimi Əfqanıstan problemini tamamilə həll edə bilər, lakin Astana həmin ölkədəki problemin həllinə ATƏT-ə sədrlik edən istənilən ölkədən daha çox yaxınlaşa bilər", - Panyer elektron poçt vasitəsilə Trend -a bildirib.

Qazaxıstan 2010-cu ildə ATƏT-ə sədrlik postunu tutub. Rəsmi Astanaya görə, təhlükəsizliyin təhdidinin aradan qaldırılmasında konstruktiv əməkdaşlığa yönəlmək sədrlik postunda Qazaxıstanın əsas prinsipləri arasındadır. Müşahidəçilərin fikrincə, Əfqanıstanın regionun qonşu ölkələri ilə qeyri-stabil şəraiti Mərkəzi Asiyada təhlükəsizliyi ciddi təhdid edir.

"Əfqanıstan problemi özü ilə, Qazaxıstan da daxil olmaqla, bütün Mərkəzi Asiya üçün təhlükə potensialıdır", - "Azadlıq" radiosunun eksperti Panyer hesab edir.

Onun fikrincə, Qazaxıstanın üstünlüyü ondan ibarətdir ki, Astana Əfqanıstandakı hadisələri hələ 2001-ci il 11 sentyabr faciəvi hadisələrindən öncə izləyib, həmin tarixdən sonra antiterrorizm koalisiyası ölkədə öz əməliyyatlarını aparmağa başlayıb.

"Bundan əlavə, Qazaxıstan Mərkəzi Asiya ölkəsi hesab edilir, qazaxlar da sözsüz ki, Mərkəzi Asiya xalqıdır, buna görə də bir çox əfqan qrupları ola bilsin ki, avropalılarla işləməkdənsə uzaq qohumları hesab edilən ölkə ilə işləməyi üstün tutsunlar", - Panyer deyib.

Lakin, onun fikrincə, daha dinc (sülhsevər) əfqanlar anlayır ki, Qazaxıstanın ATƏT-ə sədrlik müddəti qısadır və bu vaxt ərzində ciddi nəticəyə nail olmaq qeyri-mümkündür.

Onun fikrincə, ATƏT-in sədri kimi Qazaxıstan, ilk növbədə, mötədil talibanlarla sülh dialoqunu dəstəkləyən Əfqanıstan Prezidentindən nümunə götürür, lakin Astana əvvəlki kimi "terroristlərlə" razılaşmaya mətanətlə qarşı duracaq.

Panyerin sözlərinə görə, digər tərəfdən "Taliban" hərəkatı şübhəsiz ki, Qazaxıstanın keçmiş Sovet İttifaqının bir hissəsi olmasını və qazaxların 1980-ci illərdə Əfqanıstana qarşı vuruşmuş sovet qoşunlarının tərkibinə daxil olmasını xatırlayır.

"Bu həmin faktdır ki, Qazaxıstan Rusiya ilə tərəfdaşlıqdan qazanır və Avropaya neft satışı radikal taliblərə Qazaxıstanın cəhdlərinə ləkə yaxmağa yönəlmiş təbliğat üçün kifayət qədər əsas ola bilər", - ekspert deyib.

Xəbər lenti

Xəbər lenti