Azərbaycan, Bakı, 16 fevral / Trend , müxbir A.Hüseynbala/
Azərbaycan müxalifətinin parlament seçkiləri ilə bağlı məsləhətləşmələri "Azadlıq" blokundan asılıdır.
"Azadlıq" bloku da təklifimizə müsbət cavab verərsə, parlament seçkiləri ərəfəsi ölkədəki vəziyyətin müzakirəsinə gələn həftədən başlaya bilərik", - çərşənbə axşamı Trend -a Demokratiya Uğrunda İttifaqda (DUİ) təmsil olunan Böyük Azərbaycan Partiyasının (BAP) sədri Elşad Musayev bildirib.
Trend -un arayışı: DUİ parlament seçkisi ilə bağlı "Azadlıq" bloku ilə Müsavat Partiyası arasında məsləhətləşmələrin aparılmasını təklif edib.
Azərbaycanda parlament seçkilərinin 2010-cu ilin payızında keçiriləcəyi gözlənilir. Bundan əvvəlki seçkilər 2005-ci ilin noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində keçirilir.
Musayevin sözlərinə görə, Müsavat Partiyasının DUİ-nin təklifinə müsbət cavab verməsi məsləhətləşmələrin gecikməməsi üçün bir stimul ola bilər.
"İndi hər şey "Azadlıq" blokundan asılıdır", - o xatırladıb.
"Bizim parlament seçkilərində iştirakla bağlı öz prinsiplərimiz var və bununla bağlı digər müxalifət partiyaları ilə müzakirələr aparırıq", - çərşənbə axşamı Trend -a "Azadlıq" blokunda təmsil olunan Vətəndaş və İnkişaf Partiyasının (VİP) sədri Əli Əliyev bildirib.
Onun fikrincə, ümumi prinsiplər müəyyənləşəndən sonra məsləhətləşmələrlə bağlı fərdi təkliflərə cavab veriləcək. "Hazırda seçkilərdə iştirak edəcək müxalifətin birliyinin formatı dəqiqləşdirilməyib. Biz digər təkliflərlə razılaşıb-razılaşmadığımızı açıqlamazdan əvvəl bu formatı dəqiqləşdirməliyik", - VİP sədri vurğulayıb.
"Azadlıq" blokunu 2005-ci il parlament seçkiləri ərəfəsi Azərbaycan Xalq Cəbhəsi, Liberal, Azərbaycan Demokrat və Müsavat partiyaları təsis ediblər. Parlament seçkilərindən sonra Demokrat və Müsavat partiyaları bloku tərk edib. Vətəndaş və İnkişaf Partiyası isə bloka üzv qəbul olunub.
Dеmоkrаtiyа Uğrunda İttifаqı 2005-ci il parlamеnt seçkisindən sonra müxalifətçi Klassık Xalq Cəbhəsi, Azadlıq və Milli Demokrat partiyaları yаrаdıb. 2008-ci il sеntyаbrın əvvəllərində Böyük Azərbаycаn, nоyаbr аyındа isə Хаlq pаrtiyаlаrı DUİ-yə üzv qəbul оlunub. İttifаq bu pаrtiyaların məşvərət və əməkdaşlıq qurumudur. 2009-ci ilin oktyabr ayında Milli Demokrat Partiyası DUİ-dən çıxarılıb və Milli Qurtuluş Partiyasının quruma üzv qəbul olunması haqda qərar verilib.
