Azərbaycan, Bakı, 6 mart / Trend , müxbir K.Zərbalıyeva/
Azərbaycanda şirkət işçiləri talançılığa görə tutulublar
Daxili İşlər Nazirliyinin mətbuat xidmətindən şənbə günü Trend -a bildiriblər ki, "Kervitaş Qida Sənaye və Ticarət Anonim" şirkətinin baş mühasibi Leyla Tahirova və oranın işçisi Aqşin Quliyev şirkətin möhürlərindən istifadə etməklə imzaları saxtalaşdırma yolu ilə 73 ədəd ödəniş tapşırıqları tərtib edərək, "Yapı Kredi" bankında olan hesablaşma hesabından "FF Kompani" MMC-nin və digər şəxslərin adlarına olan hesabına köçürərək, 285 239 manat məbləğində pul vəsaitini bank kitabçası ilə nağdlaşdıraraq talayıblar.
Faktla əlaqədar DİN Baş Mütəşəkkil Cinayətkarlıqla Mübarizə İdarəsinin İstintaq Şöbəsində cinayət işi başlanılıb.