Azərbaycan ordusu qarşısında duran bütün vəzifələri yerinə yetirməyə qadirdir - prezidentin köməkçisi
Azərbaycan, Bakı, 19 mart / Trend , müxbir M.Əliyev/
Azərbaycan ordusu qarşısında duran bütün vəzifələri yerinə yetirməyə qadirdir. Trend -un məlumatına görə, bunu şənbə günü jurnalistlərə prezidentinin təhlükəsizlik və müdafiə məsələləri üzrə köməkçisi, general-leytenant Vahid Əliyev bildirib.
"Azərbaycan ordusu həm döyüş hazırlığı, həm mənəvi-psixoloji hazırlıq, həm də yeni, müasir silahlanma baxımından qarşısında duran bütün vəzifələri yerinə yetirməyə hazırdır", - Əliyev vurğulayıb.
Əliyev Azərbaycan istehsalı olan silahların keçiriləcək hərbi təlimlərdə nümayiş etdiriləcəyini istisna etməyib.
"Müdafiə Sənayesi Nazirliyində ən müasir texnologiyalar tətbiq edilməklə lazım olan silah və sursatların hazırlanması prosesi aparılır və hərbi təlimlərdə həmin silahların nümayişi mümkündür", - prezidentin köməkçisi bildirib.
