Türkmənistan, Aşqabad, 15 iyun /Trend, müxbir H.Həsənov/
Türkmənistan Məclisinin (parlament) sədri Akca Nurberdıyev Mərakeş Krallığının Türkmənistandakı fövqəladə və səlahiyyətli səfiri Məhəmməd Lütfi Auadın etimadnaməsini qəbul edib.
"Diplomat Mərakeş Kralı Məhəmməd bin əl-Həsən bin Məhəmməd bin Yusifin salamlarını və xoş arzularını Türkmənistan Prezidenti Qurbanqulu Berdiməhəmmədova çatdırıb", - türkmən hökumətinin mətbuat xidməti məlumat yayıb.
Tərəflər ikitərəfli əməkdaşlığa qarşılıqlı marağı qeyd edərək iki ölkənin mənafeyinə xidmət edəcək qarşılıqlı fəaliyyət üçün böyük potensialın olduğunu bildiriblər. Bundan başqa, parlamentlərarası əlaqələrin inkişaf etdirilməsi rolu da vurğulanıb.