Gürcüstan, Tbilisi, 25 iyun /Trend, müxbir N.Kirsxaliya/
Gürcüstan Milli Kitabxanasında Viktor Hüqonun 1862-ci ildə çap edilmiş "Səfillər" əsərinin nüsxəsi tapılıb. "İmedi" telekanalının verdiyi məlumata görə, bu kitabın unikallığı ondadır ki, onun titul səhifəsində şairin şəxsi avtoqrafı var.
Tapıntı təsadüfən, arxivin inventarlaşdırılması zamanı aşkara çıxıb. Milli Kitabxanadan qeyd edirlər ki, bu, Gürcüstanda Hüqonun avtoqrafının olduğu yeganə kitabdır.
"Kitab 1862-ci ildə, yəni Hüqonun sağlığında (yazıçı 1885-ci ildə vəfat edib) çap edilib; orada fransızca kitabın və avtoqrafın "sürgün dostu" Anri Le For üçün nəzərdə tutulduğu yazılıb. Daha doğrusu, kitab şairin sürgün illərində Hüqonun özü tərəfindən Le Fora hədiyyə edilib", - Milli Kitabxananın işçiləri deyiblər.
Kitabxanaçılar, həmçinin, qeyd edirlər ki, kitabın ikinci səhifəsində Viktor Hüqonun özü tərəfindən üç kuplet həcmində ekspromt şeir yazılıb. Yazı çox solğundur. O, qələmlə yazılıb və güclə seçilir. Şeir qələmlə yazıldığından, tədricən itir.
Kitabxanaçılar onu bərpa etmək və bu əsərin onlara tanış olduğunu və ya həqiqətən Hüqonun naməlum əsəri olduğunu ədəbiyyatçılara yoxlatdırmaq istəyirlər.
