İlham Əliyev Qırğızıstanın keçid dövrü prezidentinə təbrik məktubu göndərib

Azərbaycan Prezidenti İlham Əliyev Qırğızıstanın keçid dövrü prezidenti xanım Roza Otunbayevaya təbrik məktubu göndərib, məlumatı AzərTAc Dövlət İnformasiya Agentliyi yayıb.

"Hörmətli xanım Prezident, Qırğızıstanın milli bayramı - Dövlət müstəqilliyi günü münasibətilə Sizi və xalqınızı Azərbaycan xalqı adından və öz adımdan təbrik edirəm.
Əminəm ki, Azərbaycan-Qırğızıstan münasibətləri öz tarixi ənənələrinə uyğun olaraq bundan sonra da dostluq və əməkdaşlıq məcrasında öz inkişafını davam etdirəcəkdir.
Sizə ən xoş arzularımı yetirir, dost Qırğızıstan xalqına əmin-amanlıq və firavanlıq diləyirəm" İlham Əliyevin təbrikində deyilib.