Azərbaycan, Bakı, 11 oktyabr /Trend, müxbir K. Zərbalıyeva/
Bakıda polis əməkdaşı xidməti silahı ilə bir nəfərə xəsarət yetirib.
Qaradağ Rayon Prokurorluğundan bazar ertəsi Trend-ə verilən məlumata görə, Qaradağ Rayon Polis İdarəsinin yetkinlik yaşına çatmayanlarla iş şöbəsinin inspektoru Aydın Məmmədov xidməti silahı ilə həmin rayonun sakini - 52 yaşlı Ağaməmməd Ağayevi ayağından yaralayıb.
Prokurorluqdan bildirilib ki, hadisə təsadüfən baş verib.
Yaralı xəstəxanaya yerləşdirilib.
Faktla bağlı prokurorluqda araşdırma aparılır.