Azərbaycan, Bakı, 26 oktyabr /Trend, müxbir M.Əliyev/
Azərbaycan Mərkəzi Seşki Komissiyasının sədri namizədləri təşviqat dövründə Seçki Məcəlləsinin tələblərini pozmamağa çağırıb.
Çərşənbə axşamı MSK-nın iclasında sədr Məzahir Pənahov namizədləri öz təşviqat fəaliyyətləri ətrafında gərginlik yaratmamağa çağırıb.
İclasda MSK-ya parlament seçkiləri ilə bağlı daxil olan müraciətlərə baxılıb.
MSK-nın çərşənbə axşamı keçirilən iclasında səlahiyyətli nümayəndələr də qeydə alınıb.
Azərbaycanda parlament seçkiləri noyabr ayının 7-də keçiriləcək.
Bundan əvvəlki seçkilər 2005-ci ilin noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində aparılır.