...

İranda ilk dəfə təyyarələr üçün "qara qutu"lar istehsal olunub

Siyasət Materials 11 Noyabr 2010 14:58 (UTC +04:00)
İranda ilk dəfə təyyarələr üçün "qara qutu"lar istehsal olunub

Azərbaycan, Bakı, 11 noyabr /Trend, müxbir T.Cəfərov/

İranda ilk dəfə təyyarələr üçün uçuşun parametrlərinin qəza qeydiyyatı sistemləri (UPQQS) və ya "qara qutu"lar istehsal olunub. Bu barədə cümə axşamı IRINN telekanalı məlumat verib.

Məlumata görə, İran UPQQS uçuş zamanı əldə olunan 2200 saatadək informasiyanı, pilot kabinəsində ekipajın 40 saatadək danışıqlarını və on saatadək videoyazını qeydiyyata almağa və işləməyə qadirdir.

Məlumatda bildirilir ki, İranda "qara qutular"ın istehsalı onların xarici analoqlarının buraxılışından 25 faizədək ucuzdur, eləcə də texniki baxımdan onlardan üstündür.

Cihaz uçuşun parametrlərini qeydə alır və bu yazılardan uçuşların təhlili, ekipajın fəaliyyətinin araşdırılması, maşınların fəaliyyətini izləmək lazım olan digər hallarda istifadə olunur.

Bununla yanaşı, telekanalın məlumatına görə, İranda ikimühərrikli "Model-212" helikopterləri də istehsal olunub. Zərurət olduqda bu helikopterlər suya enə bilirlər, xarici analoqları ilə müqayisədə onlar çox dəqiqdirlər və baha deyillər.

Materialın hazırlanmasında T.Konyayeva iştirak edib.

Xəbər lenti

Xəbər lenti