Azərbaycan, Bakı, 22 noyabr /Trend, müxbir S.Ağayeva/
Azərbaycan və Portuqaliya arasında saziş imzalanıb.
Xarici İşlər Nazirliyinin mətbuat xidmətinin bazar ertəsi yaydığı məlumata görə, Lissabon şəhərində NATO sammiti çərçivəsində Elmar Məmmədyarovun Portuqaliyanın dövlət və xarici işlər naziri Luis Amado ilə keçirilmiş görüşü zamanı Azərbaycan və Portuqaliya arasında diplomatik, xidməti və xüsusi pasportlara malik şəxslər üçün vizaların ləğv edilməsi haqqında saziş imzalanıb.
Noyabrın 19-dan 20-dək Portuqaliyanın Lissabon şəhərində NATO-nun zirvə toplantısı keçirilib.