İranda hərbi təlimlərin ilk mərhələsi başlayıb

Azərbaycan, Bakı, 19 noyabr / Trend /

İranın şərqi hissəsində taktik hərbi təlimlərin ilk mərhələsinə başlanıb.

Trend-in İSNA xəbər agentliyinə istinadən verdiyi məlumata görə, təlimlərin ilk mərhələsi cümə günü axşam saatlarında başlayıb. Təlimlərdə İran ordusunun, İslam İnqilabı Keşikçilər Korpusunun, hüquq-mühafizə qüvvələrinin və yığma qoşunlarının əməliyyat, kəşfiyyat və döyüş bölmələri iştirak edib.

"Saminəl-Hücəc" adlı dörd mərhələli təlimlər İranın son hərbi nailiyyətlərini nümayiş etdirmək məqsədi daşıyır.

Təlimlər dörd gün davam edəcək.