Azərbaycan, Bakı, 6 yanvar / Trend /
Türkiyə Silahlı Qüvvələri Baş Qərargahının sabiq rəisi İlker Başbuğ məhkəmə zalından birbaşa həbsxanaya göndərilib.
Trend-in məlumatına görə, Euronews xəbər verir ki, o, dövlət çevrilişi etmək planının hazırlanmasında və dövlət orqanlarının vəzifələrini yerinə yetirməsinə əngəl törətməkdə şübhəli bilinərək həbs olunub.
İlker Başbuğ 2010-cu ildə istefaya göndərilib. Hazırda onun hökumətə qarşı yaradılan "Ergenekon" adlanan qrupla əlaqələrinin olub-olmadığı yoxlanılır.
İlker Başbuğ Türkiyə tarixində mülki məhkəməyə ifadə verən və həbs olunan ilk sabiq Baş Qərargah rəisidir.