...

Koreya Respublikası Azərbaycanla münasibətləri inkişaf etdirmək niyyətindədir (ƏLAVƏ OLUNUB)

Siyasət Materials 12 Yanvar 2012 17:03 (UTC +04:00)
Koreya Respublikası Azərbaycanla münasibətləri bir çox sahələrdə inkişaf etdirmək niyyətindədir.
Koreya Respublikası Azərbaycanla münasibətləri inkişaf etdirmək niyyətindədir (ƏLAVƏ OLUNUB)

Koreya Respublikasının parlament rəhbərinin sözləri əlavə olunub, başlıq dəyişdirilib (ilk variant 15:48-də yayılıb)

Azərbaycan, Bakı, 12 yanvar /Trend, müxbir E.Mehdiyev/

Koreya Respublikası Azərbaycanla münasibətləri bir çox sahələrdə inkişaf etdirmək niyyətindədir. Trend-in məlumatına görə, bu barədə cümə axşamı Bakıya səfəri zamanı jurnalistlərə Koreya Respublikası Xalq Assambleyasının sədri Pak Hi-Tae deyib.

Bu səfər Azərbaycanın müstəqilliyi dövründə iki dövlətin münasibətləri tarixində ilk səfərdir.

Bu il iki ölkə arasında diplomatik münasibətlərin 20 illiyi qeyd edilir.

Pak Hi-Taenin sözlərinə görə, iki xalq qardaşdır.

"Azərbaycan enerji resursları ilə zəngindir və Koreya da müəyyən iqtisadi uğurlara malikdir. İndiki münasibətlərimiz bu kontekstdə inkişaf edəcək", - o deyib.

Səfər çərçivəsində Koreyanın qanunvericilik orqanının rəhbəri Milli Məclisin rəhbərliyi ilə görüşməyi planlaşdırır.

Habelə, səfər proqramına Fəxri və Şəhidlər xiyabanlarını ziyarət, paytaxtın görməli yerləri ilə tanışlıq və həmvətənlərlə görüş daxildir.

Xəbər lenti

Xəbər lenti