Türkiyə parlamentinin nümayəndə heyəti Azərbaycana gəlir

Azərbaycan, Bakı, 17 yanvar /Trend, müxbir M.Əliyev/

Türkiyə Böyük Millət Məclisinin (TBMM) Türkiyə-Azərbaycan parlamentlərarası dostluq qrupunun rəhbəri Necdət Ünüvarın rəhbərlik etdiyi nümayəndə heyəti sabah Azərbaycana gəlir.
Bu barədə Trend-ə Milli Məclisdən məlumat verilib.

Səfər çərçivəsində nümayəndə heyətinin Milli Məclisin rəhbərliyi və Azərbaycan parlamentində dostluq qrupunun üzvləri ilə görüşləri planlaşdırılır.