Azərbaycan, Bakı, 13 fevral /Trend, müxbir E.Tariverdiyeva/
İordaniya parlamentenin Aşağı palatasının spikeri Əbdül Kərim Duqmi bazar ertəsi Azərbaycanın İordaniyadakı səfiri Elman Araslı ilə iki ölkə arasında daha sıx parlament və iqtisadi əməkdaşlığnın qurulması yollarını müzakirə edib. Bu barədə bazar ertəsi Trend İordaniyanın "Petra" xəbər agentliyinə istinadən məlumat verir.
Duqmi İordaniya və Azərbaycan arasındakı münasibətlərdə əsasən parlament və iqtisadi sahələrdə əməkdaşlığa söykənməyin vacibliyini qeyd edib.
Görüş zamanı tərəflər, həmçinin Yaxın Şərqdəki cari vəziyyəti, habelə qarşılıqlı maraq doğuran məsələləri nəzərdən keçiriblər.
Azərbaycan səfiri iki ölkə arasında münasibətlərin fəallaşdırılmasının, təcrübə mübadiləsinin və birgə iqtisadi layihələrin yaradılmasının vacibliyini vurğulayıb.