Azərbaycan, Bakı, 2 iyul /Trend, müxbir M.Əliyev/
Monakoda iyul ayının ilk ongünlüyündə TÜRKPA üzvü olan dövlətlərin ATƏT PA-dakı daimi nümayəndə heyətlərinin 2-ci görüşü keçiriləcək. Bu barədə bazar ertəsi Trend-ə TÜRKPA katibliyindən bildirilib.
Görüşdə qarşılıqlı münasibətlər müzakirə ediləcək.
TÜRKPA nümayəndə heyəti 4-10 iyul 2012-ci il tarixlərində ATƏT PA-nın Monakoda keçiriləcək 21-ci İllik Sessiyasında iştirak edəcək.
Səfərdə TÜRKPA nümayəndə heyətinə Qazaxıstan Respublikası Parlamenti Məclisinin Beynəlxalq əlaqələr, müdafiə və təhlükəsizlik komitəsinin üzvü Kuanış Sultanov rəhbərlik edəcək. Nümayəndə heyətinin tərkibinə TÜRKPA-nın baş katibi Ramil Həsənov da daxildir.
Sessiya çərçivəsində, həmçinin bir çox ölkələrin nümayəndə heyətləri və beynəlxalq təşkilatların nümayəndələrinin ikitərəfli görüşlərinin keçirilməsi planlaşdırılır.