Azərbaycan, Bakı, 22 iyul /Trend, müxbir M.Əliyev/
Sabahdan Azərbaycan ərazisində temperatur nisbətən yüksəlməyə başlayacaq.
Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə daxil olan məlumata görə, sabah Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir. Temperatur gecə 22-25° isti, gündüz 32-37° isti olacaq.
Abşeronun çimərliklərində dəniz suyunun temperaturunun Sumqayıt, Novxanı, Pirşağı, Nardaran, Bilgəhdə 25-26°, Zuğulba, Buzovna, Mərdəkan, Şüvəlanda 26-27°, Türkan, Hövsan, Sahil, Şıxda 26-27° isti olacağı gözlənilir.
Azərbaycan rayonlarında isə hava əsasən yağmursuz keçəcək, temperatur gecə 19-25, gündüz isə 30-38 dərəcə olacağı proqnozlaşdırılır.