Azərbaycan, Bakı, 27 iyul /Trend, müxbir S.Ağayeva/
Azərbaycan Tanzaniyaya etirazını bildirib. Trend-in məlumatına görə, bunu Azərbaycan XİN-in rəsmi nümayəndəsi Elman Abdullayev deyib.
"Azərbaycanın Misirdəki, eləcə də Tanzaniyada akkreditə olunmuş səfirliyi bu ölkənin Xarici İşlər Nazirliyinə nota təqdim edib", - Abdullayev bildirib.
Onun sözlərinə görə, notada Tanzaniya XİN-in saytında Dağlıq Qarabağın ayrıca bir ölkə kimi göstərilməsi ilə bağlı etiraz öz əksini tapıb.
"Azərbaycan Tanzaniyadan bu məlumatın XİN-in saytından ən tez bir zamanda çıxarılmasını tələb edib", - Abdullayev deyib.