Azərbaycan, Bakı, 7 noyabr /Trend, müxbir A.Axundov/
Azərbaycanda siyasi partiyaların maliyyələşdirilməsinə çəkilən xərclərin artırılması mümkündür. Trend-in məlumatına görə, bu barədə çərşənbə günü maliyyə naziri Samir Şərifov Milli Məclisdə 2013-cü il dövlət büdcəsi layihəsinin müzakirəsində deyib.
"2013-cü il dövlət büdcəsi layihəsində bu məqsədlər üçün nəzərdə tutulan iki milyon manat son rəqəm deyil. Bu qanun bizim üçün yenidir və maliyyələşdirmənin yeni istiqamətidir", - Şərifov qeyd edib.
Nazir bildirib ki, əgər iki milyon manat kifayət etməsə, maliyyələşdirmənin artırılması məsələsinə baxıla bilər. Bu yalnız layihədir.