Azərbaycan, Bakı, 30 noyabr /Trend, müxbir K.Zərbalıyeva/
Bakıda dekabrın 7-də Azərbaycanda akkreditə olunmuş xarici ölkələrin hərbi attaşeləri ilə ilin yekunlarına dair toplantı keçiriləcək. Bu barədə Trend-ə Müdafiə Nazirliyinin mətbuat xidmətindən məlumat verilib.
Dekabrın 17-20-də isə Türkiyədə Türkiyə-Azərbaycan yüksək səviyyəli hərbi dialoq iclası keçiriləcək.
Azərbaycan zabitləri 5-7 dekabrda Azərbaycan-ABŞ ikitərəfli əməkdaşlıq planına əsasən, İsveçdə keçiriləcək "VIKING 14" kompüter dəstəkli komanda-qərargah təliminin ilkin planlaşdırma konfransında iştirak edəcəklər.
Dekabrın 16-18-də isə NATO Müdafiə Kollecinin nümayəndələrinin Azərbaycana səfəri planlaşdırılıb.