Azərbaycan, Bakı, 23 yanvar /Trend, müxbir S.Ağayeva/
Azərbaycan və Serbiya iqtisadi və humanitar sahələrdə yeni sazişlərlə müqavilə-hüquq bazasını genişləndirir.
Sənədlərin Serbiya Prezidenti Tomislav Nikoliçin fevralın 7-9-da Azərbaycana səfəri zamanı imzalanması planlaşdırılır. Bu barədə Trend-ə çərşənbə günü diplomatik mənbə bildirib.
Bu, ötən ilin may ayında prezident seçilən Nikoliçin Azərbaycana ilk rəsmi səfəridir.
Yüksək səviyyədə danışıqların gündəliyinə ikitərəfli əməkdaşlığın aktual mövzuları daxil ediləcək.
Son illər iki ölkə arasında münasibətlər yüksək templə inkişaf edir və strateji tərəfdaşlığın inkişafı yolundadır. İndiyədək iki ölkə arasında hökumətlərarası və qurumlararası səviyyədə 19 sənəd imzalanıb.
