...

Ermənistan prezidentliyinə namizədin səhhəti pisləşib, seçkilərin təxirə salınacağı istisna edilmir

Siyasət Materials 7 Fevral 2013 15:53 (UTC +04:00)
Sui-qəsdə məruz qalmış Ermənistan prezidentliyinə namizəd Paruyr Hayrikyan xəstəxanadadır və onun səhhəti pisləşib.
Ermənistan prezidentliyinə namizədin səhhəti pisləşib, seçkilərin təxirə salınacağı istisna edilmir

Azərbaycan, Bakı, 7 fevral /Trend/

Sui-qəsdə məruz qalmış Ermənistan prezidentliyinə namizəd Paruyr Hayrikyan xəstəxanadadır və onun səhhəti pisləşib. Trend-in məlumatına görə, bu barədə Hayrikyanın seçkiqabağı qərargahının əlaqələndiricisi Manya Ayvazyan Panorama.am-a bildirib.

"Onun sağlamlıq vəziyyəti pisləşib, problemlər yaranıb, lakin mən dəqiq məlumat verə bilmərəm. Digər məlumatları həkimlər bildirəcəklər", - Ayvazyan qeyd edib.

Belə olan halda Hayrikyanın ölkənin Konstitusiya Məhkəməsinə fevralın 18-nə nəzərdə tutuilmuş seçkilərin təxirə salınması ilə bağlı müraciət etməsinin mümkünlüyünə dair suala Ayvazyan belə cavab verib: "Hayrikyanın vəkili öz bəyanatında qeyd edib ki, indiki məqamda [yəni fevralın 5-dəki bəyanatın azırlandığı anda] biz KM-ə müraciət etməyəcəyik. Mən heç nəyi istisna etmirəm, lakin indi birmənalı şəkildə KM-ə müraciət edib-etməyəcəyimizi deyə bilmərəm".

Ayvazyan əlavə edib ki, Hayrikyanın seçkiqabağı kampaniyasını namizədin iştirakı olmadan onun qərargahı həyata keçirir.

Məqalədə:
Xəbər lenti

Xəbər lenti