Azərbaycan, Bakı, 12 fevral /Trend/
Ermənistan prezidentliyinə namizəd Paruyr Hayrikyan Konstitusiya Məhkəməsindən seçkilərin təxirə salınmasına dair əzirəsini geri götürməsini demokratik prinsiplərlə əlaqələndirib.
Trend-in çərşənbə axşamı Ermənistan KİV-ə istinadən verdiyi məlumata görə, Hayrikyan deyib ki, bunu 3 gün ərzində etmək istəyib.
"Sənədləri verəndə məlum oldu ki, bunu bir həftə ərzində edə bilərəm. Cəmiyyəti fəallaşdırmaq lazım idi, namizədlərin birindən başqa hamını fəallaşdırdım", - o qeyd edib.
"Seçkiləri təxirə salsaydım, Andreas Qukasyanı çətin vəziyyətə salacaqdım. Əminəm ki, o, seçkilərədək aclıq aksiyasını davam etdirəcək", - Hayrikyan deyib.
Hayrikyan seçkilərdə vahid cəbhədə çıxış etməyi istisna etməyib. O bildirib ki, prezident seçkilərinin ikinci turu qaçılmazdır.