Azərbaycan, Bakı, 27 fevral /Trend müxbir T.Cəfərov/
İranın Mazandaran əyalətinin başçısı Əliəkbər Tahayinin başçılıq etdiyi nümayəndə heyəti bu gün Bakıya gələcək.
Bu barədə Trend-ə İranın Azərbaycandakı səfirliyinin mətbuat xidmətinin rəhbəri Mahammad Ayatullahi deyib.
"Tahayi 2 günlük səfər zamanı Azərbaycanda bir sıra görüşlar keçirəcək. İranın Mazandaran əyaləti və Azərbaycanın İranla sərhəd rayonları arasında əlaqələrin inkişafına dair müzakirələr aparacaq" - deyə Ayatullahi bildirib.
Qeyd edək ki, İranın Mazandaran əyalətinin başçısı bir neçə gün öncə Azərbaycanın İrandakı səfiri Cavansir Axundovla görüşündə Mazandaranda Azərbaycanın baş konsulluğunun və Mazandaran-Bakı hava reysinin açılmasını təklif edib.